Cayo Lara considera que só con propostas progresistas deste tipo poderase evitar que “as sucesivas medidas bancarias tomadas polo Goberno e pagadas con diñeiro público acaben tendo que pasar polo portelo dos bancos privados”
Esquerda Unida traballa xa para presentar antes de que acabe 2009 a súa proposta de modelo de Banca Pública, que pasa por converter ao Instituto de Crédito Oficial (ICO) no germen do banco público necesario para impulsar o crédito, agora afogado polas crises, para as familias e as pequenas e medianas empresas (pymes). Esta proposta será levada ao Parlamento para buscar o apoio doutras formacións.
Neste traballo enmárcanse o I Xornada sobre Banca Pública celebrada este fin de semana na sé federal de IU, con presenza de representantes sindicais, sociais, das pequenas empresas e da banca social.
Entre as propostas concretas, IU ve necesario que o ICO teña infraestructura en todas as capitais de provincia, así como “antenas” nas 22 sucursais coas que conta na actualidade o Banco de España. Esta proposta é radicalmente distinta ao plan de reestructuración que planea o Goberno para este organismo que conta hoxe con 289 traballadores.
O coordinador xeral de IU, Cayo Lara, pono como exemplo para evitar que “as sucesivas medidas bancarias tomadas polo Goberno e pagadas con diñeiro público acaben tendo que pasar sempre polo portelo dos bancos privados. Isto acaba sendo un imposto reaccionario”.
Para Lara, “non está chegando o diñeiro ás pymes porque os bancos están servindo de pescozo de botella”, ata para as liñas de financiamento xa dispostas polo ICO. Entende que “este grave problema de liquidez non está aínda resolto para as empresas” e atopámosnos “ante un modelo abocado á reestructuración financeira que se corresponde cos intereses de grandes sectores financeiros, avalados polo Goberno de Rodríguez Zapatero. E todo iso cun gran uso de recursos públicos”.
Fronte á negativa do Goberno para crear unha Banca Pública, Cayo Lara defende a proposta de IU como forma para que “permitirase o investimento na economía produtiva, impediranse os ‘corralitos’, garantirase o emprego dos traballadores do sector bancario e non se poñerán en risco os intereses dos cidadáns”.
O secretario federal de Economía e Traballo de IU, José Antonio García Louro, considera que a banca española demostra “día a día que non é funcional e non está xogando o seu papel de intermediario financeiro”. Puxo como exemplo que mentres “nega a xestión de créditos que arrincan do ICO ofrece ás Pymes outros privados aplicando elevados tipos de interese, que poden chegar ata o 13%”.
Sinala que aí radica unha das principais necesidades da iniciativa que suscita IU para impulsar o ICO -que actualmente conta con só 289 traballadores e cuxo máximo responsable foi recientemente relevado polo Goberno-, que dispón de poucas “competencias para asumir as tarefas encargadas”.
Outras das propostas de Esquerda Unida pasan por desenvolver as axencias financeiras e de crédito das comunidades autónomas, que actualmente limítanse a seis, para axudar a facilitar diñeiro á economía real.
IU aposta tamén por defender a actual natureza xurídica das caixas de aforros e evitar calquera atisbo de privatización. García Louro explica que sería necesaria “a permanencia do Estado no capital destas entidades cando entre nel a través das cotas participativas”, instrumento recollido no Fondo de Reestructuración Ordenada Bancaria (FROB).
Esta proposta encamiñada a fomentar a concesión de créditos completaríase co aprovechamiento das oficinas excedentarias das fusiones entre caixas para impulsar esa nova rede de Banca Pública e evitar despedimentos.
No modelo que baraja IU está tamén estudar a posibilidade de que volva a titularidad pública Bancorreos –a antiga Caixa Postal, reformada a partir dun acordo entre o Deutsche Bank e Correos-, e con presenza en numerosas oficinas postales. Iso completaríase coa recuperación das fichas bancarias das antigas entidades públicas como o Banco Hipotecario, o Banco de Crédito Local e o Banco de Crédito Agrario, para actuar como banca comercial do Estado.
José Antonio García Louro valora que fronte ás axudas sen condicións que o Goberno concede á banca atopámosnos ante “unha oportunidade única para configurar unha banca mixta con capital público-privado a partir das intervencións públicas que se leven a cabo durante a reordenación bancaria”.
Cayo Lara entende que esta nova estrutura bancaria pode facerse “aproveitando boa parte das estruturas existentes” e sería o mellor xeito de que “póidase aportar liquidez de face a un verdadeiro cambio do modelo produtivo que vaia máis aló da construción e do sector inmobiliario”.
