Carta de Yolanda Díaz á cidadanía galega

Descarga a carta que a nosa candidata á presidencia da Xunta de Galicia, Yolanda Díaz, escrebe para todos os galegos e galegas con motivo da celebración, este próximo domingo, día 1 de marzo, de Eleccións ao Parlamento de Galicia, onde a nosa organización Esquerda Unida, co teu voto, coa túa axuda, pode entrar no Parlamento para levar alí a voz dos traballadores e traballadoras, dos excluídos, e de todos aqueles que non se sinten representados nas políticas unitarias dos tres partidos con representación na cámara galega.

Read Full Post »

Mitin en Vilagarcía con Cayo Lara

Read Full Post »

Esquerda Unida desenvolverá un Plan de Emprego

No acto sectorial de emprego de Esquerda Unida no que participou o dirixente federal Ángel Pérez, de Esquerda Unida avanzou a sía aposta por unha ampla política de axudas financeiras ao través dos instrumentos públicos do ICO e das caixas para garantir liquidez as pequenas e medianas empresas, que como suliñou Javier Galán xeran o 90% do emprego total.

Ángel Pérez reprochou as entregas de inxentes cantidades de cartos públicos (só neste ano 150.000 mil millóns de euros, un 15% do PIB) sen condicións ás entidades financeiras cando as previsións que anuncia o Santander son uns beneficios, logo de impostos, duns 8.000 millóns de euros ou no caso do BBVA por riba dos 5.000 millóns.

Esquerda Unida achegou a súa proposta sobre a necesidade da iniciativa industrial pública nos sectores de relevancia para o futuro: automoción, informátiva e naval foron alguns dos mencionados, que no caso galego terán unha atención preferente por parte de EU. Industria e enerxía que semellan estratéxicos e, xa que logo, susceptibles dunha presenza pública protagonista.

No transcurso do acto lembrouse a necesidade de enxergar unha política pública que coide o factor traballo, que é o verdadeiro creador de riqueza social. So a mercaduría traballo crea valor, fai mover a nosa sociedade. Emprego estable e con dereitos e formación continuada serán eixos do anunciado plan de emprego de EU.

De tempo perdido cualificou Javier Galán, candidato pola circunscripción coruñesa, os catro anos en materia de emprego, precariedade e sinistralidade. Cartos públicos en troques de boas intención estériles, sentenciou o candidato de EU.

Read Full Post »

ESQUERDA UNIDA LEVA AO PARLAMENTO EUROPEO O DEBATE SOBRE AS CONSECUENCIAS DA CRISE NOS TRABALLADORES DO SECTOR AUTOMOBILÍSTICO GALEGO

Willy Meyer reuniuse esta mañá con Juan Manuel Fajardo, candidato de Esquerda Unida pola provincia de Pontevedra. A reunión de traballo permitiu perfilar unha serie de iniciativas concretas que se porán en marcha de forma inmediata, como resposta ás consecuencias da crise económica, que azouta con especial dureza á Comunidade galega, onde a pobreza e a exclusión social afectan ao 20% dos fogares, cun total de 201.316 parados, e onde se duplica a taxa de precariedade laboral da Unión Europea. Na reunión celebrada en Bruxelas, participou tamén Joan Josep Nuet, Senador de Esquerda Unida, quen explicou á prensa que ” puxemos en común unha acción coordinada as delegacións de EU no Parlamento Europeo, o Congreso dos deputados, o Senado e Esquerda Unida, para situar a Galicia no centro do debate”.

Willy Meyer, afirmou que “á luz das previsións da Comisión europea para 2009, a taxa de paro roldará o 20% da poboación activa en Galicia. É necesario tomar medidas efectivas contra a destrución do emprego, e garantir a protección social e o mantemento dos servizos públicos de calidade”.

Read Full Post »

Yolanda Díaz, reclama melloras e igualdade salarial en mulleres e homes

Yolanda Díaz deseñou en Mos e no Grove as bases do modelo económico e produtivo de Esquerda Unida, alternativa real ao modelo depredador do capitalismo que nos levou até a crítica situación actual de abafo para a clase traballadora. O modelo de Esquerda Unida quere o control público e social da economia a partir da planificación democrática e a intervención de traballadores e traballadoras no excedente que se produza. Un modelo de emprego harmonizado coa sustentabilidade, coa capacidade de reposición dos recursos da terra.

Read Full Post »

Os cabezas de lista de Esquerda Unida ofreceron un mitin no Grove

todogrove.com

Yolanda Díaz criticou a nula capacidade do bipartito para solucionar os problemas laborais de Galicia. Esquerda Unida avoga por “un modelo económico e produtivo alternativo ao modelo depredador do capitalismo que nos levou á crítica situación actual”.

Texto: J. Otero | Fotos: M. Muñiz/L. Prieto

Esquerda Unida celebrou o seu mitin nas instalacións da Confraría de Pescadores. Xan Lamelas, candidato e concelleiro do Grove; Juan Fajardo, cabeza de lista por Pontevedra; e Yolanda Díaz, candidata a Presidencia da Xunta de Galicia, pediron os votos que lles dea un oco no Parlamento Galego para cambiar o modelo económico e produtivo así como para loitar polos intereses dos traballadores que foron levados “á crítica situación actual de abafo”.

Yolanda Díaz reivindicou a “mellora salarial en todos os eidos e nichos laborais”, e dixo que cómpre “equiparar os salarios coa media europea e que, desde logo, hai que acadar xa a igualdade salarial entre mulleres e homes, para rachar coa desastrosa práctica empresarial de pagarlle menos á muller cá o home por idéntico traballo”. Así mesmo, reclamou un aumento salarial, ata converterse nun salario digno, para as persoas que exercen, dentro do programa da Lei de Promoción da Autonomía Persoal en Situacións de Dependencia, de coidadoras informais e que, por mor da feminización operada polas administracións resultan ser basicamente as mulleres da familia.

Read Full Post »

Sábado 14 de Febreiro, mitin de Esquerda Unida no Grove

Este sábado, día 14 de febreiro, ás 12 horas da maña, Esquerda Unida presentará o seu programa electoral aos veciños e veciñas de O Grove.

Estarán presentes no acto, que se celebrará nas instalacións da Confraría de Pescadores de San Martiño, na Praza do Corgo, a candidata á Presidencia da Xunta de Galicia, Yolanda Díaz, o cabeza de lista pola provincia de Pontevedra, Juan Fajardo, e o concelleiro de EU no Grove e candidato, Xan Lamelas.

Read Full Post »

Esquerda Unida reunirase coa Confraría de Pescadores San martiño do Grove

Mañá, mércores día 11, a partir das 18:30 horas, dirixentes e candidatos de Esquerda Unida reuniranse con representantes da Confraría de Pescadores San Martiño do Grove para recoller as demandas do sector mariñeiro e expoñer o programa desta formación en materia de pesca e medio ambiente.

Juan Fajardo, cabeza de lista de EU por Pontevedra, Xan Lamelas, concelleiro desta formación no Concello do Grove e candidato, e outros dirixentes e candidatos ao Parlamento de Galicia por Esquerda Unida acudirán a esta xuntanza. A formación de esquerdas quere reclamar un lugar no Parlamento Galego para dar voz aos traballadores e traballadoras que actualmente están orfos de representación nesta institución, onde PSdG e BNG defraudaron á clase traballadora.

Read Full Post »

Cayo Lara presenta o plan económico alternativo de IU para que logren emprego máis dun millón de parados, “fronte á parálisis dun goberno que só ofrece desesperanza”

Entre os obxectivos do documento ‘Contra a crise, crear emprego’, que mañá aprobará o Consello Político, está crear unha prestación de 600 euros mensuales para as máis de 800.000 familias con todos os seus membros en paro, garantir os créditos para as Pymes que non despidan ou prohibir os ERE ás empresas con beneficios.

O coordinador xeral de Esquerda Unida, Cayo Lara, xunto ao secretario federal de Economía e Traballo, José Antonio García Louro, presentaron hoxe o Plan Económico Alternativo desta formación ‘Contra a crise, crear emprego’, cuxo obxectivo é “volver situar o paro ao final de 2011 no nivel do 1 de xaneiro de 2008, é dicir, no 8,5%, case á metade do que ten previsto un Goberno que só ofrece desilusión e desesperanza”.

Read Full Post »

Unha chamada a mobilización e a rebeldía fronte a alternancia política

Esquerda Unida aprobou no seu Consello Político Nacional un lema de campaña que xogará con dous eixos da tradición da esquerda transformadora: ser a voz e o pensamento crítico, que revela un modelo de sistema, o capitalista, insostible e inxusto; e servir de instrumento organizado para a a clase obreira que quere rebelarse contra o mesmo pero necesita de forzas que, como EU-IU revelan e rebelan fronte a alternacia política incapaz de afondar na construcción de outro modelo económico e social.

Read Full Post »