Os socios de goberno aceptan as peticións de EU para atallar a crise municipal

Nunha reunión realizada o martes 24 pola noite, os nosos socios de goberno (PSdG-PSOE, BNG e PG) aceptaron a nosa proposta para dar fin á crise de goberno que puxo en grave perigo a continuidade do cuadripartido.

Desde EU sempre nos amosamos fieis aos compromisos que adquirimos. Hai un ano, asinamos un pacto de goberno con uns contidos e unha filosofía coa finalidade de crear un goberno estábel para O Grove. Para nós o máis importante do acordo alcanzado, é que precisamente o goberno recupera ao pacto de goberno como elemento fundamental da nosa acción, tanto no seu contido como na súa filosofía ou espírito, e sobre todo, que o goberno, como debe ser, antepón os intereses dos veciños do Grove aos intereses partidistas.

Read Full Post »

Resolución da asemblea da agrupación local

A asemblea de EU-EdG de O Grove reunida no día de onte, 20 de xuño, acorodou ratificarse no espírito e na filosofía do Pacto de Goberno asinado hai agora un ano, así como no contido do mesmo e nos seus obxectivos. Ante a grave crise aberta polo Alcalde, o cal, no día de onte (venres), non foi confirmado nen desmentido o cesamento do Concelleiro de Persoal Xan Lamelas publicado nos medios de comunicación, e pola gravidade da situación, pedímoslle aos nosos socios de goberno, co Alcalde á cabeza, ou ben unha ratificación do publicado, por escrito e mediante decreto da alcaldía, o que interpretaríamos como unha expulsión do goberno por incumprimento reiterado do Pacto, ou ben unha rectificación. Neste caso, esiximos que se convoque con carácter urxente unha reunión das catro forzas políticas que formamos goberno coa finalidade de retomar a filosofía e obxectivos do Pacto como solución a esta crise. En caso de non ser así consideramos a nosa non continuidade no goberno municipal.

Os militantes de Esquerda Unida-Esquerda do Grove sabemos onde estamos, con quen estamos, e a onde vamos, como tamén sabemos dos enormes atrancos que neste mandato íamos a ter e tivemos, porque hai compañeiros de viaxe cos cais sempre vai haber dificultades, dado que trasladan as diferencias persoais a conflitos institucionais, para enmascarar, ao noso enterder, as súas incapacidades, as do presente e as do pasado.

Aos simpatizantes de EU-EdG, así como á cidadanía en xeral, pedímoslles ante todo desculpas polo bochornoso espectáculo ofrecido, e asumimos a nosa parte de responsabilidade, e deben saber, que detrás de cada entidade política hai un pasado, e o máis importante, un presente, presente co cal hai que estar moi atento e nós estámolo, ben sexa dentro ou fora do goberno, e sempre aportaremos o máximo da nosa capacidade en beneficio da cidadanía.

Read Full Post »

Resposta ao comunicado de Antón Mascato, concelleiro do BNG

Desde a Agrupación Local de Esquerda Unida, non podemos máis que expresar o noso abraio e repulsa ante a absoluta falta de responsabilidade política e lealdade ao goberno por parte do Bloque Nacionalista Galego, e en concreto do seu concelleiro Antón Mascato. Este grupo político debe aclararse: ou está no goberno, ou está na oposición. Unha cousa é certa: non se pode estar nas dúas partes.

Nas últimas semanas acudimos a unha serie de ataques que por parte do BNG se están a realizar contra Xan Lamelas, concelleiro de Esquerda Unida, minando a unidade do goberno e atacando non só a Lamelas ou á nosa organización, senón atacando e disparando contra o espírito do pacto de goberno, que foi asinado hai agora un ano. Se ao BNG lle molesta que Esquerda Unida esté no goberno, que o diga claramente, e deixe de dar lamentábeis espectáculos a través dos medios de comunicación.

Read Full Post »

Só 197 dos 672 eurodeputados dixeron NON á Directiva dos 18 meses

Europa camiña polos sendeiros da sinrazón. Esta é a Europa que pretenden construir os voitres do neoliberalismo (Directiva das 65 horas; Tratado de Lisboa -grazas Irlanda pola túa cordura; liberalización e privatización de servizos públicos;etc.): a negación do dereito humano de libre circulación de persoas; a criminalización e encarceramento de maiores e menores;….ISTO É UN AUTÉNTICO DISPARATE XENÓFOBO E RACISTA!!! ATA 18 MESES PRIVADOS DE LIBERDADE EN VERDADEIROS CAMPOS DE CONCENTRACIÓN!!!

Queremos saber que votaron os eurodeputados españois, porque os que se absteñen, neste caso, votan SI á Directiva da ignominia. Nin máis nin menos. Non caben aquí falsas hipocrisías moi habituais en política social e migratoria por parte do PSOE (só falta ollar o que acontece co Sáhara, por exemplo).

Read Full Post »

Contra a ilegalización da KSM (Xuventude Comunista da Rep. Checa)

Fai dous anos o goberno checo decidiu ilegalizar a Unión de Xuventudes Comunistas (KSM) e todas as súas actividades. Agora queren ir máis aló, pondo á KSM fóra da lei.

Esta é unha medida antidemocrática que condena a unha organización xuvenil pola súa loita por un mundo xustos e pacífico, en oposición aos intereses dos poderes económicos e o militarismo do goberno checo, á beira da Unión Europea.

Esta medida enmárcase na actual política do imperialismo que busca perseguir a todas e todos as e os que loitan na súa contra, sucedendo feitos similares a este en todo o mundo, por que o imperialismo sabe que necesita destruír os dereitos democráticos para minar a forza e o futuro da mocidade e os pobos.

Este non é un asunto só do pobo checo, este é un asunto de todas e todos aquelas e aqueles que loitamos pola paz, a democracia e a xustiza social, e é polo que a loita contra a ilegalización da KSM debe ser prioritaria para as e os mozos do mundo!

Non queremos o que o imperialismo quere impor con guerra e explotación, esiximos un mundo con democracia, xustiza social, paz, solidariedade e amizade

Por iso, en solidariedade coas e os comunistas checos, esiximos ao goberno checo que retire a súa decisión de ilegalizar á KSM xa!

Entrevista a Milan Krajca, Presidente da KSM, en Cubainformación:

Read Full Post »

Aprovadas as propostas da Xuventude Comunista no Consello Local da Xuventude

todogrove.com

Na reunión mantida na tarde do sábado, os colectivos xuvenís decidiron, a instancias da Xuventude Comunista, traballar para que o 2009 conte con un calendario anual de actividades. Tamén aprobaron a creación dun boletín informativo, o concurso para crear un logotipo identificativo e a modificación dos estatutos do consello sectorial.

VER FOTOGRAFÍAS

Read Full Post »