Os participantes nos cursos de formación do Concello reciben os seus diplomas

www.todogrove.com

O concelleiro de Xuventude, Formación e Emprego do Grove, Xan Lamelas, fixo entrega esta tarde no salón de actos do concello dos certificados de asistencia dos cursos que se impartiron dentro da “Programación de cursos 2007-2008”, desenvolvidos polas súas concellarías.

VER FOTOGRAFÍAS

Dentro destas accións formativas celebráronse cursos en diferentes ámbitos, como o asistencial, falar en público, a informática ou a contabilidade. Estes cursos tiveron entre 12 e 30 horas lectivas de duración e foron impartidos en varios centros de formación da nosa vila, coma a Escola de Negocios E-Pyme e o centro de estudos informáticos Formas, aos que o concelleiro tamén quixo agradecer a súa colaboración.

A entrega asistiron unhas vinte persoas, e todas aquelas que non puideron pasar a recoller os certificados, poderanos retirar no Edificio de Usos Múltiples da rúa Castelao.

Read Full Post »

Lamelas responde ás acusacións de Pérez sobre a obra da escola unitaria de Ardia

En resposta á advertencia de Miguel Pérez realizada a través dos medios de comunicación sobre a posibilidade de que a reconstrución da antiga escola unitaria de Ardia sexa ilegal, desde a Concellería de Formación e Emprego queremos aclarar que:

Non entendemos a preocupación do portavoz popular, a non ser que non saiba que esta concellería no momento en que caíron as paredes do edificio aludido parou a execución do proxecto, á espera dun informe técnico sobre a viabilidade de levantar unha construción de nova factura.

Pregúntase Miguel Pérez se o concello vai actuar contra a legalidade urbanística. A resposta é que este goberno pretende marcar unha liña diferenciadora en relación co goberno presidido por el, polo que sempre actuará dentro da legalidade vixente.

Polo tanto, solicitamos do grupo municipal do Partido Popular, que deixen de intoxicar a vida política municipal con frases condicionais sobre feitos que non se produciron, e faga unha oposición basada, non en invencións, senón en realidades.

Read Full Post »

Ante as verbas de Fernando Meis do PP sobre a situación do goberno municipal

O señor Meis ou ben confunde a política municipal co programa “Aquí hay tomate”, ou ben cre que a maneira de facer política é a de difundir bulos e sinsentidos que nada teñen que ver coa realidade. Tanto nun caso como noutro, a única conclusión que podemos tirar das súas declaracións é que o Partido Popular grovense padece tal incapacidade de propoñer alternativas e solucións aos problemas dos veciños, que só se lle ocurre inventar falsedades sobre as relacións entre os grupos que integran o goberno do Grove.

Read Full Post »

A Mesa do Parlamento aborta a ofensiva de EU para reducir o límite electoral ao 3%

Considera que non pode tramitar a iniciativa lexislativa popular xa que a reforma afecta ao “desenvolvemento básico do Estatuto de Autonomía”.

Vieiros

Esquerda Unida non poderá nin recoller as 15 mil sinaturas necesarias para que se debata no Parlamento unha reforma da lei electoral galega. A Mesa da Cámara considera que non pode tramitar a petición porque a proposta de EU de rebaixar do 5 ao 3% os votos necesarios para obter representación parlamentaria afecta ao “desenvolvemento básico do Estatuto de Autonomía”.

Antes de coñecerse a decisión da Mesa do Parlamento, os tres grupos con presenza na Cámara xa se mostraran pouco proclives a rebaixar a barreira que estabeleceu en 1992 o PPdeG.

Ler no seu contexto orixinal.

Read Full Post »

1º de Maio: Nen un paso atrás, non cedamos máis

POLA RECONQUISTA DOS DEREITOS LABORAIS E SOCIAIS

Hoxe, o capitalismo, nesta fase que coñecemos como neoliberalismo, vive grazas á súa acción destrutiva, á súa teima de esnaquizar os elos da cadea solidaria que convertera á clase traballadora nunha masa social informada, formada e crítica, capaz de artellar os movementos de reivindicación e contestar as prácticas egoístas da patronal.

Read Full Post »